Прадстаўнікі NATO наведваюць вучэнні «Захад-2025»
На 227-м агульнавайсковым палігоне прысутнічаюць прадстаўнікі 23 дзяржаў, у тым ліку трое з краін NATO — ЗША, Турцыі і Венгрыі.
Скрыншот відэа Мінабароны
Амерыканскі вайсковы аташэ падзякаваў міністру абароны Беларусі Віктару Хрэніну за запрашэнне назіраць за вучэннямі «Захад-2025», паведаміла Мінабароны.
Віктар Хрэнін даручыў начальніку Дэпартамента міжнароднага ваеннага супрацоўніцтва: амерыканскім гасцям прадаставіць найлепшыя месцы, «паказаць абсалютна ўсё, што іх цікавіць».