ЗША здымаюць санкцыі з «Белавіі»
Пра гэта стала вядома па выніках візіту прадстаўнікоў амерыканскай дэлегацыі ў Мінск.
LookbyMedia
Злучаныя Штаты Амерыкі знялі санкцыі з авіякампаніі «Белавія». Аб гэтым на сустрэчы з Аляксандрам Лукашэнкам заявіў прадстаўнік прэзідэнта ЗША Джон Коўл.
«Хачу цалкам афіцыйна зараз тут заявіць, што мы знялі санкцыі з «Белавія». Гэта афіцыйна. У мяне была сустрэча з прэзідэнтам Трампам, у якой удзельнічалі яшчэ некалькі дзясяткаў чалавек. Гэта рашэнне было прынята прэзідэнтам, які сказаў: «Зрабіце гэта неадкладна».