Падчас тэракту ў Іерусаліме загінуў рабін родам з Беларусі
У Іерусаліме 8 верасня адбыўся тэракт, у выніку якога загінулі чатыры чалавекі, а некалькі былі параненыя. Сярод загінулых — 79-гадовы рабін Мардэхай Штэйнцаг, якога называлі таксама Доктар Марк, які паходзіў з Беларусі.
Мардэхай Штэйнцаг
Паведамляецца, што Мардэхай Штэйнцаг нарадзіўся і доўга жыў у Беларусі. Ён працаваў доктарам, займаўся аднаўленнем спартсменаў пасля траўмаў, актыўна прапагандаваў здаровы лад жыцця.
Пасля пераезду ў канцы 1980-х у Ізраіль ён адкрыў у горадзе Бейт-Шэмэш пякарню арганічнага хлеба «Доктар Марк».
Штэйнцаг быў вядомы як чалавек, які дапамагаў іншым, займаўся распаўсюджваннем ведаў пра здароўе і вывучэнне Торы, падтрымліваў шматлікія сем’і і моладзь, удзельнічаў у жыцці сінагог.
Чытайце таксама:
Чатыры чалавекі забітыя, некалькі параненыя ў выніку стральбы ў Ерусаліме