У Калінкавіцкім раёне кіроўца грузавіка загінуў, выходзячы з кабіны
Трагедыя здарылася раніцай у суботу, паведамляе СК.
Фота: СК
Двое кіроўцаў аднаго з сельгаспрадпрыемстваў на МАЗах развозілі кармы па жывёлагадоўчых фермах. Выканаўшы працу, мужчыны выкарысталі грузавікі для прыватнай паслугі — дастаўкі пяску жыхару вёскі Гулевічы.
Першы кіроўца разгрузіў пясок каля прыватнага двара. Яго калега пасля выгрузкі пачаў апускаць кузаў і сарваў провад лініі электраперадач. Пры выхадзе з кабіны аўтамабіля 66-гадовы мужчына атрымаў смяротную электратраўму.
На месцы здарэння працавала следча-аператыўная група.