Прэм'ер Японіі падаў у адстаўку
Пасля парламенцкіх выбараў многія японскія палітыкі заклікалі яго пайсці.
Сігэру Ісіба. Фота: Toru Hanai/Pool Photo via AP
Прэм'ер-міністр Японіі Сігэру Ісіба падаў у адстаўку, каб пазбегнуць расколу ў кіруючай партыі. Пра гэта паведамляе дзяржаўная японская тэлекампанія NHK.
Пасля выбараў, якія былі ў ліпені, кааліцыя Ісібы (ён з Ліберальна-дэмакратычнай партыі) страціла большасць у верхняй палаце парламента. Людзі былі незадаволеныя ростам кошту жыцця.
68-гадовы Ісіба будзе выконваць свае абавязкі да абрання пераемніка.