На святкаванні Дня беларускага пісьменства Пяткевіч знайшла для сябе найлепшы антыдэпрэсант
Віцэ-прэм’ерка Наталля Пяткевіч на Дні беларускага пісьменства ў Лідзе асабіста апрабавала тэхналогіі берасцейскага ткацтва.
Мастацтва ткацтва паказалі ў Лідзе намесніцы прэм’ер-міністра Наталлі Пяткевіч. Чыноўніца села сама папрацаваць за станком. У выніку яна назвала ткацкі станок найлепшым антыдэпрэсантам.
«Калі кепскі настрой або хочацца раззлавацца, то найлепшы антыдэпрэсант — сесці за ткацкі станок і нешта, напрыклад, вышыць або саткаць», — сказала Пяткевіч.
Размаўляла з майстрыцай на Дні беларускага пісьменства віцэ-прэм’ерка, як вынікае з відэа, на рускай мове.