Новы трэнд — абіраць партнёра метадам шрэкінгу. Што за ён?
Зумеры прыдумалі новую стратэгію спатканняў і назвалі яе ў гонар зялёнага мульцяшнага монстра. Калі прыгледзецца, гэты трэнд — паўтарэнне старой ідэі.
Шрэк і Фіёна. Фота: кадр з трэйлера «Шрэка»
Монстру Шрэку з аднайменнага мультфільму пашчасціла ў каханні. Прыгажуня Фіёна, ды яшчэ і з тытулам прынцэсы, пакахала яго — велічэзнага зялёнага волата. Фіёна магла б абраць ярчэйшага партнёра, але вырашыла, як кажуць, панізіць планку.
У гонар гэтага тыктокеры назвалі цэлы трэнд — шрэкінг (shrekking). Ідэя ў тым, каб абраць у партнёры кагосьці менш прывабнага, чым ты сам, бо тады партнёр будзе за гэта ўдзячны, будзе цалаваць зямлю, па якой ты ходзіш, і ніколі цябе не пакрыўдзіць.
Атрымліваецца своеасаблівая эмацыйная страхоўка — маўляў, калі панізіць планку ў выбары партнёра, ад цябе дакладна не адмовяцца. Вядома, гэтую стратэгію выкарыстоўвалі і да зумераў.
Тыктокеры здымаюць шмат ролікаў, дзе расказваюць, што такое шрэкінг і чым ён небяспечны. Багата хто нагадвае, што непрывабнасць — яшчэ не гарантыя таго, што партнёр будзе ставіцца да вас добра:
Як справядліва заўважае польская тыктокерка just_saying_ang, у такім выпадку будзе нават больш балець, чым калі б здарыўся разлад са звычайным партнёрам. Бо калі вы спецыяльна абралі партнёра, якога лічыце ніжэй за сябе па ўзроўню, і нават ён вас пакрыўдзіў, то гэта можа моцна ўдарыць па гонары.
Калі з вамі гэта здарылася, кажа трэнерка па спатканнях Эмі Чан, важна не лічыць гэта нагодай завышаць планку ў выбары партнёра. Лепш выкарыстайце гэта як магчымасць паразважаць над тым, якія якасці абавязкова павінны быць у вашага ідэальнага партнёра, як бы ён ні выглядаў.
Чытайце таксама:
Каго больш цэняць жанчыны — тых, хто кажа «Я цябе кахаю», або тых, хто мые посуд?