Фінскія памежнікі дапамогуць латышам ахоўваць мяжу з Беларуссю
Фінляндыя накіроўвае сваіх памежнікаў у Латвію, каб дапамагчы стрымліваць нелегальных мігрантаў з Беларусі. Пра гэта 5 верасня паведаміла Памежная служба краіны. Падраздзяленне будзе знаходзіцца ў Латвіі да 22 верасня па просьбе Рыгі.
Мяжа Латвіі з Беларуссю па Дзвіне. Фота: сацыяльныя сеткі
Фіны адзначаюць, што ціск на латвійска-беларускую мяжу ад пачатку 2025 года істотна ўзмацніўся. Памежнікі будуць выконваць у Латвіі падобныя задачы, як і ў сябе дома. Акрамя Фінляндыі, дапамогу Латвіі прапанавалі таксама Эстонія і Літва.
У 2023 годзе Фінляндыя закрыла сваю мяжу з Расіяй, абвінаваціўшы Маскву ў мэтанакіраванай арганізацыі міграцыйнага патоку з Азіі і Афрыкі.
Чытайце таксама:
Пяць краін Еўрасаюза просяць фінансавай дапамогі ў ахове межаў