Падчас дэсантавання на палігоне загінуў курсант Вайсковай акадэміі
З-за няштатнай сітуацыі ў паветры падчас дэсантавання з самалёта Ан-2 на адным з палігонаў вайсковец атрымаў траўму, несумяшчальную з жыццём, паведамляе Мінабароны.
Трэніроўка дэсантнікаў. Ілюстрацыйнае фота Мінабароны
Акалічнасці на дадзены момант высвятляюцца камісіяй Мінабароны сумесна са Следчым камітэтам.
На месца здарэння выехаў намеснік міністра абароны.
Вайсковец навучаўся на 3-м курсе аднаго з факультэтаў Вайсковай акадэміі. Па службе і ў вучобе характарызаваўся станоўча, меў шматразовы досвед дэсантавання.
Вайсковае ведамства выказала спачуванні родным і блізкім шарагоўца.❕