Рыбак з Вілейкі злавіў рыбіну вагой 30 кілаграмаў
Віляйчук Юрый Радчанкоў падзяліўся з Kraj.by фота свайго трафея — сома, злоўленага на рацэ Віліі.
Рыбак распавёў, што гэта ўжо не першы яго буйны улоў: раней былі злоўлены два сомы вагой крыху больш за 18 кілаграмаў кожны і адзін — 26 кілаграмаў 700 грамаў. Але гэты, самы вялікі, пацягнуў амаль на 30 кілаграмаў.
У мінулым годзе Юрыю трапляліся сомы і на Вілейскім вадасховішчы, але максімальная вага здабычы была ў раёне 10 кілаграмаў.
— Выцягнуць з вады такую рыбу было далёка не проста. Стаміліся мы абодва, — прызнаецца Юрый.
Сомам у вэнджаным выглядзе суразмоўца частуе сваіх сяброў і блізкіх.