У Хоцімску выпаў з акна і загінуў трохгадовы хлопчык
Паводле папярэдніх звестак, уначы 30 жніўня бацькі ненадоўга пакінулі кватэру на пятым паверсе, пакуль дзіця спала. Калі яны вярнуліся праз паўгадзіны, сына ў пакоі ўжо не было, паведамляе Следчы камітэт.
Фота: прэс-служба Следчага камітэта
Адчыненае акно і сетку, якая выпала, заўважыў бацька. Спусціўшыся ўніз, ён знайшоў хлопчыка на зямлі без прытомнасці. Бацькі тэрмінова адвезлі яго ў бальніцу, але выратаваць дзіця не ўдалося.