БЕЛ Ł РУС

У хаб «Робім Разам» Сяргея Бульбы прыходзілі польскія сілавікі

29.08.2025 / 16:59

Nashaniva.com

Паколькі супрацоўнікаў пры гэтым выгналі на вуліцу, то спачатку з'явілася інфармацыя, што улады прыехалі высяляць хаб з памяшкання, але пасля сам Бульба гэта аспрэчыў і даў другую версію.

У каментары «Белсату» Сяргей Бульба сказаў, што паліцыянты і нават вайскоўцы прыехалі ў офіс з увагі на скаргу, што «ў нас нібыта зброя».

«Цэлы цырк! Прыехалі і паліцыянты пятнаццаць чалавек, і машына размініравання, і спецслужба армейская. Агулам каля трыццаці чалавек. Чарговая скарга на тое, што ў нас там зброя. Зброі, вядома ж, не знайшлі. Яны ўжо з'ехалі, але тут цэлы раён на вушах стаяў».

Паводле Бульбы, гэта была ўжо «пятая ці шостая скарга» на арганізацыю, што там нібыта захоўваюць зброю і рыхтуюць дзяцей да вайны. Ён кажа, што варшаўскія ўлады стаміліся ад гэтых скаргаў, таму і дамагаюцца высялення хабу.

Чытайце таксама:

Сяргей Бульба назваў роспуск «Паспалітага рушэння» «глыбінным перафарматам»

«Паспалітае рушэнне» Сяргея Бульбы згарнула дзейнасць

Сяргей Бульба вінаваціць у арэндных праблемах сваёй арганізацыі мінулае кіраўніцтва. Тое ўсё адмаўляе

Ініцыятыву Сяргея Бульбы высяляюць з памяшкання ў цэнтры Варшавы

Каментары да артыкула