БЕЛ Ł РУС

У мінскім гіпермаркеце па гандлёвай зале бегала мыш. Туды прыйшла санстанцыя

29.08.2025 / 16:57

Nashaniva.com

Відэа з грызуном з’явілася ў інтэрнэце і стала прычынай пазапланавай праверкі санслужбай, паведамляе агенцтва «Мінск-Навіны».

Скрыншот з відэа

Па словах аўтара відэа, мыш была заўважана ў гіпермаркеце Green на праспекце Партызанскім, 182. Каментатары да відэа ў асноўным жартавалі, а не крытыкавалі кіраўніцтва крамы, адзначаючы, што мышы і пацукі часта сустракаюцца ў буйных крамах і ўстановах харчавання.

Тым не менш, санслужба праверыла гіпермаркет.

Паводле Цэнтра гігіены і эпідэміялогіі Заводскага раёна, суб’ект гаспадарання заключыў дамову на дэратызацыю і дэзынсекцыю з адмысловай арганізацыяй, работы праводзяцца рэгулярна, а на 28 жніўня грызуноў і слядоў іх дзейнасці ў краме не знойдзена.

Аднак былі выяўленыя парушэнні ў зборы і часовым захоўванні харчовых адкідаў, у сувязі з чым у дачыненні да адказнага супрацоўніка крамы распачалі адміністрацыйны працэс.

Чытайце таксама:

У Барысаве знялі, як у двары раскашуюць пацучыныя зграі, а камунальнікі не рэагуюць ВІДЭА

У Вялікабрытаніі злавілі пацука памерам з ката

Па летняй тэрасе мінскага рэстарана бегаў вялізны пацук ВІДЭА

«Во адкуль дзіркі ў сыры!» На сырным прылаўку мінскага гіпермаркета заўважылі пацука ВІДЭА

Каментары да артыкула