У Расіі выявілі першы выпадак вірусу чыкунгунья, які перадаецца праз укусы камароў

Носьбітам вірусу стаў мужчына, які прыляцеў у Маскву з Шры-Ланкі.

Азіяцкі тыгровы камар — пераносчык інфекцыі Чыкунгунья. Фота: Wikimedia Commons

Спачатку мужчыну шпіталізавалі ў інфекцыйнае аддзяленне з падазрэннем на ліхаманку дэнге, але абследаванне паказала станоўчы вынік на вірус чыкунгунья. Пацыент шпіталізаваны ў стане сярэдняй ступені цяжару, піша «Осторожно, новості».

Рызык распаўсюджвання інфекцыі ў Расіі няма: чыкунгунья перадаецца толькі праз камароў і не перадаецца ад чалавека да чалавека.

Між тым у кітайскай правінцыі Гуандун, з насельніцтвам 126 мільёнаў чалавек, уводзяць супрацьэпідэмічныя меры з‑за распаўсюджвання віруса чыкунгунья, перадае Bloomberg.

У аптэках Гуандуна збіраюць пашпартныя дадзеныя пакупнікоў лекаў ад сімптомаў хваробы, перадаючы іх санітарным уладам. Некаторыя гарады суседніх рэгіёнаў ужо ўстанавілі асаблівыя правілы для прыбылых з Фашаня.

Каментары да артыкула