У Мінску зноў заўважылі вялікую чаргу
У студэнцкім гарадку, што на Пятроўшчыне ў Мінску, заўважана вялікая чарга. Відэа пра гэта з’явілася ў TikTok, піша Blizko.by.
Як адзначыла аўтарка роліка, гэта была чарга на засяленне ў адзін з інтэрнатаў. Хутчэй за ўсё, гэта былі першакурснікі. Відэа завірусілася ў TikTok, яго паглядзелі больш за 1,3 мільёна карыстальнікаў.
Карыстальнікі актыўна каментавалі відэа:
- Дык раней ужо складзены спісы, навошта ствараць ажыятаж.
- Прыйшлі сёння, 27-га чысла, чаргі наогул няма, засяліліся за паўгадзіны.
- Я не прайшла ў інтэрнат…
- А чаму ўсе без клункаў?
- Прыйшла а 8:30, а засялілася толькі а 18:00.
- Гэты кашмар мы сёння вытрымалі, проста да страты прытомнасці.
- Свежае мяса прыехала.