Уначы гарэў галоўны корпус Віцебскага тэхналагічнага ўніверсітэта
Паведамленне аб задымленні ў галоўным корпусе Віцебскага дзяржаўнага тэхналагічнага ўніверсітэта паступіла ў 04:34.
Скрыншот відэа МНС
Пры прыбыцці да месца выкліку з акна галоўнага корпуса ўніверсітэта на першым паверсе ішоў дым. Увайшоўшы ў будынак, ратавальнікі ўстанавілі, што загаранне адбываецца ў тамбуры, паведамляе прэс-служба МНС.
Работнікі МНС аператыўна ліквідавалі пажар. Ніхто не пацярпеў. На месцы здарэння працавалі 4 адзінкі тэхнікі МНС.
Агнём у тамбуры пашкоджаны аздабленне сцен і электраровар, знішчана столь.
Разглядаюцца версіі прычыны ўзнікнення пажару — парушэнне правілаў эксплуатацыі электрасетак і электраабсталявання (кароткае замыканне электраровара).