Абельская расказала пра ўнука
Кіраўніца Лечкамісіі расказала, што любіць праводзіць час з сям'ёй.
Ірына Абельская. Скрын відэа
Дырэктарка Рэспубліканскага клінічнага медцэнтра пры Упраўленні спраў Лукашэнкі і маці Мікалая Лукашэнкі Ірына Абельская падзялілася, як праводзіць вольны час. Па яе словах, задавальненне ёй прыносяць «вельмі простыя рэчы»:
«Гэта сям'я, гэта дзеці, гэта ўнук, гэта нармальныя, няхай і не такія частыя зносіны з блізкімі мне людзьмі»,
— расказала яна на «Беларусь 1».
Старэйшы сын Абельскай — афтальмолаг Дзмітрый Абельскі, які працуе з маці ў Лечкамісіі. Яго спадарожніца — пластычны хірург Дзіна Эль-Дзіэфі Фейсал (працуе ў прыватных медычных цэнтрах «Нардзін» і «ШайнЭст» у Мінску).
Сёлета ў студзені, на фінальным канцэрце так званага «Марафону адзінства», Абельская, яе старэйшы сын са спадарожніцай упершыню з'явіліся на публіцы разам з Аляксандрам Лукашэнкам.
Абельская расказала таксама, што не займаецца спортам, але актыўнасці ёй хапае.
«Я не займаюся нейкім відам спорта, але «рух гэта жыццё», таму свае 10 000 крокаў я практычна штодзённа праходжу».
Яна таксама наведвае Оперны тэатр, філармонію, Тэатр лялек, выставы.
«Імкнуся сачыць за навінкамі. Калі нейкія ў нас праходзяць новыя выставы, нейкія прыезды, канцэрты, па магчымасці імкнуся наведваць».
Чытайце таксама:
Колькі Ірына Абельская зарабляе на пасадзе кіраўніцы «лечкамісіі»
Абельская: Выклік брыгады хуткай дапамогі дорага каштуе
Лукашэнка ўпершыню з'явіўся на публіцы разам з мамай Колі
Мінскі Тэатр лялек не паспеў анансаваць прэм’еру па Быкаву, як квіткі на чэрвень і ліпень разабралі