У Германіі адкрываюць самы буйны завод боепрыпасаў у Еўропе

У нямецкім рэгіёне Ніжняя Саксонія каля горада Унтэрлюс 28 жніўня адкрыецца самы вялікі ў Еўропе завод па вытворчасці боепрыпасаў. Ён належыць нямецкай вайсковай кампаніі Rheinmetall, піша Bloomberg.

Фота: Getty Image

Як паведамляецца, калі завод выйдзе на поўную праектную магутнасць у 2027 годзе, ён зможа штогод выпускаць 350 тысяч адзінак боепрыпасаў. Акрамя таго, на прадпрыемстве будзе арганізаваны выпуск установак рэактыўнай артылерыі.

Таксама кампанія Rheinmetall ужо запусціла завод паблізу мяжы з Нідэрландамі, дзе збіраюцца адсекі фюзеляжу для баявых самалётаў-бамбардзіроўшчыкаў F-35.

У далейшых планах канцэрна — адкрыццё цэха па вытворчасці боепрыпасаў і парахавога завода ў Балгарыі. Таксама Rheinmetall будуе вайсковае прадпрыемства ў Літве і вядзе перамовы аб супрацоўніцтве з урадам Латвіі.

Каментары да артыкула