Пад Гроднам пажар знішчыў амаль 200 тон саломы
26 жніўня пасля абеду супрацоўнікі МНС выязджалі ў вёску Віцькі Гродзенскага раёна: на полі мясцовага сельгаспрадпрыемства загарэлася салома.
Работнікі гаспадаркі з дапамогай тэхнікі разарвалі скірду і адцягнулі не ахопленыя агнём цюкi на бяспечную адлегласць. Дзякуючы сумесным намаганням аграрыяў і ратавальнікаў пажар удалося патушыць.
Агнём знішчана 195 тон саломы ўраджаю мінулага года, але яшчэ 35 тон удалося захаваць. Людзі не пацярпелі.
Паводле адной з версій, прычынай узгарання магла стаць маланка.