Прэм'ер Канады: Пуцін баіцца сустрэчы з Зяленскім
«Пуцін пастаянна вылучае ўмовы і затрымлівае, бо баіцца гэтай сустрэчы», — сказаў Марк Карні.
Марк Карні ў Кіеве. Фота: AP Photo/Efrem Lukatsky
На думку прэм'ер-міністра Канады Марка Карні, Уладзімір Пуцін баіцца сустракацца з прэзідэнтам Украіны Уладзімірам Зяленскім для абмеркавання ўмоў прыпынення вайны. Пра гэта кіраўнік Канады сказаў на прэс-канферэнцыі, піша «Укрінфарм».
«Пуцін пастаянна вылучае ўмовы і затрымлівае, бо баіцца гэтай сустрэчы», — сказаў Марк Карні.
Паводле яго слоў Карні, Зяленскі гатовы сустрэцца з Пуціным «на любой нейтральнай тэрыторыі».
«То-бок ён не чакае візіту Пуціна ў Кіеў, але і сам не плануе ехаць у Маскву для гэтай сустрэчы. Але любое месца яго задавальняе».
Прэм'ер Канады дадаў, што саюзнікам важна працягваць аказваць дапамогу Украіне, пакуль гэтая сустрэча не адбудзецца.