За хабары затрымалі работніка буйнога дзяржпрадпрыемства. Ягонага папярэдніка таксама лавілі на хабары
Днямі аператыўнікі ГУБАЗіКа затрымалі службовую асобу буйнога дзяржаўнага прадпрыемства, якое забяспечвае вытворчыя патрэбы вядучых аўтамабільных вытворцаў нашай краіны і блізкага замежжа, паведамляе прэс-служба МУС.
У 2021 годзе на месцы злачынства пры атрыманні хабару ўжо затрымліваўся адзін з кіраўнікоў названага прадпрыемства.
Назначаны на вакантную пасаду яго намеснік працягнуў дзейнасць папярэдніка, разлічваючы, што прынятыя ім меры канспірацыі дапамогуць пазбегнуць адказнасці. Аднак адключэнне мабільных тэлефонаў, абмеркаванне злачынных планаў і атрыманне хабару па-за межамі не дапамагло, зазначаюць у міліцыі.
Па месцы яго жыхарства выяўленыя і канфіскаваныя грашовыя сродкі і матэрыяльныя каштоўнасці. Сума незаконнага ўзнагароджання вылічваецца мільёнамі расійскіх рублёў.
Заведзена крымінальная справа за хабарніцтва. Фігурант змешчаны ў СІЗА. Яму пагражае да 10 гадоў пазбаўлення волі.