У Смалявічах сёння раніцай гарэў «Еўраопт»
Выпадак адбыўся сёння раніцай. Па прыбыцці на месца выкліку падраздзяленняў МНС назіралася задымленне ў складскім памяшканні крамы, паведамляе прэс-служба ведамства.
Скрыншот відэа МНС
Пажар ліквідавалі выратавальнікі. Ніхто не пацярпеў. На месцы здарэння працавалі 3 адзінкі тэхнікі МНС.
У выніку пажару пашкоджаны халадзільная ўстаноўка і пластыкавая тара для захоўвання, закураны сцены і столь па ўсёй плошчы.
Прычына высвятляецца.