Зяленскі ў добрым настроі пракаментаваў удары УСУ па нафтаправодзе «Дружба» і рэакцыю на гэта Венгрыі
Прэзідэнт Украіны Уладзімір Зяленскі адказаў на зададзенае яму пытанне, ці не зменшылі апошнія ўдары УСУ па нафтаправодзе «Дружба» шанцы на тое, што Будапешт здыме вета на ўступленне Украіны ў Еўрасаюз.
Уладзімір Зяленскі. Скрыншот з відэа
«Мы заўсёды падтрымлівалі сяброўства паміж Украінай і Венгрыяй. А цяпер існаванне гэтага сяброўства залежыць ад пазіцыі Венгрыі», — сказаў Зяленскі, усміхаючыся і ледзь стрымліваючы смех.
У выніку ўкраінскіх удараў па нафтаправодзе «Дружба» Венгрыя і Славакія, якія адзіныя ў Еўропе прынцыпова адмаўляюцца пазбаўляцца залежнасці ад расійскай трубаправоднай нафты, аказаліся часова адрэзаныя ад яе паставак. Прэм'ер-міністр Венгрыі Віктар Орбан нават скардзіўся на дзеянні Украіны прэзідэнту ЗША Дональду Трампу.
Чытайце таксама:
«Я вельмі злы з-за гэтага. Перадай Славакіі». Трамп адказаў Орбану на ягоную скаргу на ўкраінцаў
Пастаўкі нафты па нафтаправодзе «Дружба» ў Еўропу зноў спыніліся
Гарыць станцыя перапампоўвання нафты ў Бранскай вобласці, праз якую атрымлівала сыравіну Беларусь
Трамп запытаўся ў Орбана, чаму ён блакуе ўступленне Украіны ў Еўрасаюз