У Маладзечанскім раёне ліквідавалі маштабны нелегальны бровар
У Маладзечанскім раёне міліцыя знайшла нелегальны завод па вытворчасці самагонкі ў прамысловых маштабах, паведамілі ў МУС.
Нелегальны бізнэс арганізаваў 61-гадовы мясцовы жыхар, а ў кампаньёнах у яго былі тры сыны і два знаёмыя.
У гаспадарчых пабудовах сілавікі знайшлі самагонны апарат, а таксама ёмістасці з брагай аб'ёмам звыш 25 тысяч літраў, 12,5 тон мукі, 400 літраў гатовай прадукцыі.
Фігуранты былі затрыманыя ў момант вырабу чарговай партыі тавару.
Памеры незаконнага даходу ад рэалізацыі прадукцыі, а таксама сеткі збыту высвятляюцца. Разлічваецца таксама шкода, прычыненая навакольнаму асяроддзю з-за ўтылізацыі адкідаў вытворчасці.
Чытайце таксама:
Пашырылі спіс месцаў, дзе можна легальна гнаць самагонку
Ляснік уладкаваў каля Белавежскай пушчы грунтоўны бровар
Жыхар Маладзечна скраў ровар і абмяняў яго на самагонку
Жыхар Мазыра выклікаў міліцыю на суседку, а ў выніку страціў 300 літраў брагі і трапіў на штраф