У Гомелі маленькі хлопчык выпаў з акна на трэцім паверсе
Зараз 9-гадовы школьнік знаходзіцца ў рэанімацыі, паведаміла прэс-служба Следчага камітэта.
Дом, дзе адбылося здарэнне. Фота: Следчы камітэт
Здарэнне адбылося 21 жніўня. Па інфармацыі СК, хлопчык запрасіў дадому двух сваіх сяброў. Яны размаўлялі і глядзелі тэлевізар.
Пацярпелы адчыніў акно ў сваім пакоі і сеў на падаконне — тварам да вуліцы. Калі ён паспрабаваў развярнуцца назад, не ўтрымаўся і ўпаў з трэцяга паверха.
Зараз ён знаходзіцца ў рэанімацыі.