Брат адыёзнага расійскага дэпутата Віталя Мілонава загінуў на вайне ва Украіне
Аляксандр Мілонаў служыў у арміі непрызнанай ЛНР, піша расійскі тэлеграм-канал Shot.
Віталь Мілонаў. Фота: РІА «Навіны»
Падчас аднаго з баёў падраздзялення разведкі 3-й агульнавайсковай арміі непрызнанай ЛНР Аляксандр Мілонаў атрымаў раненне і трапіў у шпіталь.
На фоне ўскладненняў ад ранення ён памёр.
19 жніўня брата дэпутата адпелі па праваслаўным абрадзе і пахавалі ў Пецярбургу.
Віталь Мілонаў — адыёзны расійскі дэпутат, які стаў вядомым праз свае законапраекты. У розныя часы ён выступаў супраць гомасексуальных адносін, Еўропы, фастфуду, Вольгі Бузавай і тэорыі эвалюцыі.