Пад Гомелем выбухнуў газавы балон, загінула жанчына
Ноччу 17 жніўня ў дачным кааператыве «Скіток-1» Гомельскага раёна загарэлася драўляная гаспадарчая пабудова, паведаміў Следчы камітэт.
Фота: Следчы камітэт
Пенсіянерка, якая была ў хаце, заўважыла агонь і паспела выйсці на двор. Аднак праз некаторы час у пабудове рвануў газавы балон, аскепкі ад якога смяротна траўмавалі жанчыну.
Паводле інфармацыі следства, пенсіянеры захоўвалі ў хляве пусты, не зарэгістраваны газавы балон.