Яшчэ аднаго беларуса затрымалі ў Польшчы з-за працы на замежную разведку
27-гадовага беларуса абвінавачваюць у працы на замежную выведку, падрыхтоўцы да дыверсіі і сабатажу (артыкул 130 КК Польшчы), піша Reform са спасылкай на польскую пракуратуру.
Ілюстрацыйны здымак
Беларуса затрымалі 13 жніўня ў Варшаве Супрацоўнікі Агенцтва ўнутранай бяспекі Польшчы (ABW).
Паведамляецца, што ў ліпені 2025 года Віталь С. збіраў інфармацыю пра склад у Люблінскім ваяводстве, здымаў яго на відэа і фатаграфаваў.
Пазней ён, як піша пракуратура, перадаў гэтыя матэрыялы прадстаўнікам замежнай выведкі і збіраўся падпаліць склад. Затрыманы прызнаў віну і даў паказанні.
14 жніўня яго арыштавалі на тры месяцы. Па гэтым артыкуле яму пагражае да васьмі гадоў пазбаўлення волі.
8 жніўня пракуратура Польшчы заяўляла аб пяці затрыманых беларусах, якіх абвінавачваюць у дыверсіях і шпіянажы.
Чытайце таксама:
У Польшчы пяцярых беларусаў абвінавачваюць у дыверсіях і шпіянажы