Кубракоў сустрэўся з прэзідэнтам Інтэрпала і абмеркаваў «міжнароднае супрацоўніцтва»
Дэлегацыя МУС Беларусі на чале з міністрам Іванам Кубраковым знаходзіцца з афіцыйным візітам у Сацыялістычнай Рэспубліцы В’етнам на мерапрыемствах, прысвечаным 80-годдзю Традыцыйнага дня сіл народнай грамадскай бяспекі В’етнама і 20-годдзю Усенароднага дня абароны нацыянальнай бяспекі.
Фота: прэс-служба МУС
Як паведамляе прэс-служба МУС, міністр грамадскай бяспекі В’етнама генерал арміі Лыонг Там Куанг падзякаваў беларускім калегам за візіт і выказаў упэўненасць у далейшым паглыбленні ўзаемадзеяння ў барацьбе са злачыннасцю. Іван Кубракоў правёў перамовы з кіраўнікамі органаў унутраных спраў і грамадскай бяспекі.
Таксама ён сустрэўся з прэзідэнтам Міжнароднай арганізацыі крымінальнай паліцыі — Інтэрпал Ахмедам Насерам Аль Раісі.
«Кіраўнікі абмеркавалі ключавыя пытанні міжнароднага супрацоўніцтва ў сферы барацьбы з транснацыянальнай злачыннасцю, умацавання каналаў узаемадзеяння паміж праваахоўнымі органамі, а таксама перспектывы рэалізацыі сумесных ініцыятыў у галіне супрацьдзеяння арганізаванай злачыннасці», — паведамляе прэс-служба МУС.