УСУ адкінулі расійскія войскі пад Дабраполлем
DeepState абнавіў карту фронту ў раёне Дабраполля. Па даных партала, Узброеным сілам Украіны ўдалося адкінуць расійскія войскі паблізу сёлаў Рубежнае, Залаты Калодзезь, Вясёлае, Вольнае, Шахавое, Ніканараўка і Сухецкае, піша РБК-Украіна.
Падраздзяленне «Азоў» таксама пацвердзіла зачыстку шэрагу населеных пунктаў каля Дабраполля. Паведамляецца, што за апошнія трое сутак на гэтым участку фронту 1-ы корпус НГУ «Азоў» разам з сумежнымі і падначаленымі падраздзяленнямі спынілі расійскае прасоўванне.
У выніку пошукава-ўдарных дзеянняў зачышчаныя наступныя населеныя пункты: Грузскае, Рубежнае, Новавадзяное, Пятроўка, Вясёлае, Залаты Калодзезь. Праціўнік, як сцвярджаецца, панёс значныя страты ў жывой сіле.
Чытайце таксама:
Прарыў расіян каля Дабраполля: ці сапраўды УСУ ўдалося нейтралізаваць пагрозу
УСУ: Сітуацыя на Дабрапольскім кірунку стабілізуецца
У 14 населеных пунктах Данецкай вобласці абвясцілі абавязковую эвакуацыю сем'яў з дзецьмі
Зяленскі паведаміў пра «добрыя навіны» і расказаў, што адбылося каля Дабраполля
«У бліжэйшыя гадзіны вырашыцца лёс 29% тэрыторыі ДНР, што засталіся пад кантролем Украіны»
Расійская армія прарвала пад Дабраполлем апошнюю капітальную лінію абароны Данбаса