Рыбакоў: Ініцыятарам размовы з Лукашэнкам быў Трамп
Пастаянны прадстаўнік Беларусі пры ААН Валянцін Рыбакоў паведаміў, што тэлефонная размова паміж Дональдам Трампам і Аляксандрам Лукашэнкам адбылася па ініцыятыве амерыканскага прэзідэнта.
Валянцін Рыбакоў
Валянцін Рыбакоў, які быў перакладчыкам падчас гутаркі, заявіў, што яна прайшла ў вельмі добразычлівай, шчырай і адкрытай атмасферы і цягнулася даволі доўга.
Падчас размовы Трамп закрануў пытанне магчымасці вызвалення палітзняволеных. Лукашэнка адказаў, што гэтая праца працягваецца, актыўна вядзецца, і што беларускі бок знаходзіцца ў кантакце з прадстаўнікамі Белага дома і Дзярждэпартамента ЗША. Паводле Рыбакова, абмеркаванне гэтай тэмы адбываецца пастаянна.
Ён таксама падкрэсліў, што для руху ў гэтым пытанні неабходныя рашэнні з абодвух бакоў.
Чытайце таксама:
Лукашэнка Трампу: Праца па вызваленні зняволеных не спыняецца
Латушка: Званок Трампа Лукашэнку можа быць звязаны з магчымымі перамовамі на тэрыторыі Беларусі
Дарадца Ціханоўскай расказаў пра іх камунікацыю з уладамі ЗША
Ціханоўская пракаментавала размову Трампа з Лукашэнкам
Балкунец: Я звязаўся з памочнікамі Трампа і папрасіў вызваліць 1300 палітвязняў