Трампа на Аляску суправаджаюць дзяржсакратар Рубіа і кіраўнік ЦРУ Рэткліф
Сустрэча двух прэзідэнтаў, як чакаецца, пачнецца ў 22:00 па мінскім часе.
Дональд Трамп і Марка Рубіа. Фота: Alex Brandon / AP
У склад амерыканскай дэлегацыі на сустрэчы Уладзіміра Пуціна і Дональда Трампа ў Анкорыджы ўвайшлі чатыры чалавекі: дзяржсакратар Марка Рубіа, міністры гандлю Говард Лутнік і фінансаў Скот Бэсент, а таксама дырэктар ЦРУ Джон Рэткліф, паведаміў Белы дом, піша Бі-бі-сі.
Расійская дэлегацыя на сустрэчы на Алясцы прадстаўлена памочнікам прэзідэнта Юрыем Ушаковым, міністрам замежных спраў Сяргеем Лаўровым, міністрам абароны Андрэем Белавусавым, міністрам фінансаў Антонам Сілуанавым і спецпрадстаўніком прэзідэнта Кірылам Дзмітрыевым.
Сустрэча двух прэзідэнтаў, як чакаецца, пачнецца ў 22:00 па мінскім часе.