Маляваныча не пусцілі ў Грузію — начаваць ён будзе ў спецпакоі
Акцёра Аляксандра Ждановіча без тлумачэнняў не пусцілі ў Грузію. Маляваныч ехаў туды, каб сустрэцца з сябрамі і правесці творчыя сустрэчы.
Ждановіч расказаў «Нашай Ніве», што цяпер ён знаходзіцца ў аэрапорце Кутаісі.
«Спачатку была затрымка на пашпартным кантролі, думаю, нешта яны ў базе знайшлі. Потым правялі нешта накшталт допыту: навошта, куды, да каго, чым займаецеся? Чаканне каля гадзіны, адмова», — кажа Аляксандр.
Начаваць акцёр будзе ў спецыяльным пакоі на тэрыторыі аэрапорта, абсталяваным для такіх выпадкаў, ежу яму дазволілі набыць за свае грошы. Умовы ў пакоі, кажа ён, сціплыя — шконкі з матрацам, але без пасцелі, прыбіральня.
Раніцай 15-га жніўня Ждановіч мусіць вылецець у Варшаву — ён больш за год жыве ў Польшчы, атрымаў там статус уцекача. Раней акцёр жыў у Грузіі, куды эміграваў з Беларусі праз палітычныя прычыны.
Чытайце таксама:
Маляваныч расказаў, чым адкупляўся ад даішнікаў
Маляваныч з'язджае з Грузіі. Куды і чаму?
Маляваныч расказаў, колькі ў яго скралі тэлефонныя махляры і чаму паверыў ім