У Заслаўі з рыштаванняў зваліўся рабочы
Няшчасны выпадак адбыўся 13 жніўня каля 18:00.
Ілюстрацыйнае фота
50-гадовы жыхар Вілейскага раёна зваліўся з будаўнічых лясоў падчас афарбоўкі сцен будынка, паведамляе «Прысталічча».
Відавочца, жыхар суседняга дома, пачуў глухі стук. Ён выйшаў на вуліцу і пабачыў рабочага, які ляжыць на зямлі. Мужчына неадкладна выклікаў хуткую дапамогу.
Медыкі шпіталізавалі пацярпелага ў рэанімацыйнае аддзяленне Мінскай абласной клінічнай бальніцы.
Мужчына атрымаў цяжкія траўмы. Стан пацярпелага ацэньваецца як вельмі цяжкі, ён знаходзіцца ў коме.