Пачынае працаваць кругласутачная служба экстранай псіхалагічнай дапамогі па нумары тэлефона
Нумар 133.
У Рэспубліцы Беларусь пачынае працу кругласутачная служба экстранай псіхалагічнай дапамогі па нумары тэлефона — 133.
Ад сёння і па 17 жніўня праца сістэмы будзе весціся ў тэставым рэжыме. Затым спецыялісты пяройдуць на пастаянную службу. На званок адказваюць псіхолагі сістэмы аховы здароўя, паведамляе Мінздароўя.
Выходны выклік для абанентаў Белтэлекам, А1, МТС, Лайф — бясплатны.
У якіх сітуацыях неабходна патэлефанаваць:
- смерць блізкага чалавека;
- раставанне з блізкімі людзьмі;
- цяжкія саматычныя захворванні;
- перажыванне сітуацыі гвалту і іншыя, пры якіх з'яўляецца стан безвыходнасці.
У астатніх выпадках рэкамендуецца звяртацца на асабісты прыём да адпаведнага спецыяліста (псіхолага, доктара-псіхатэрапеўта, доктара-псіхіятра-нарколага).