Цягнік Санкт-Пецярбург — Гомель ідзе з затрымкай з-за няспраўнасці лакаматыва
Цягнік Санкт-Пецярбург — Гомель ідзе з затрымкай з-за няспраўнасці лакаматыва, паведаміла Белчыгунка.
Цягнік №83 адправіўся з паўночнай сталіцы Расіі 11 жніўня ў 16:10.
«Зараз па тэхнічных прычынах (няспраўнасць лакаматыва) састаў ідзе з затрымкай прыблізна 1 гадзіна 20 хвілін», — растлумачылі ў прэс-службе БЧ.
Спецыялісты Беларускай чыгункі прымаюць аператыўныя меры па скарачэнні часу спазнення цягніка. Больш падрабязную інфармацыю можна атрымаць па тэлефоне кантакт-цэнтра БЧ — 105.