У Беларусі будуць разбудоўваць сотавую сувязь
Аляксандр Лукашэнка 11 жніўня падпісаў указ «Аб будаўніцтве аб'ектаў сотавай сувязі», паведамляе прэс-служба палітыка. Дакумент прыняты для развіцця інфраструктуры сетак электрасувязі, увядзення новых тэхналогій і павышэння якасці і даступнасці паслуг.
Фота ілюстрацыйнае
Указ, як паведамляецца, стварае ўмовы для спрашчэння будаўніцтва і абслугоўвання аб'ектаў сотавай мабільнай сувязі, а таксама інжынернай і транспартнай інфраструктуры, неабходнай для іх работы.
Акрамя таго, у дакуменце вызначаюцца асаблівасці прыёмкі гэтых аб'ектаў у эксплуатацыю.
Чытайце таксама:
Мабільны аператар абвясціў пра «маштабныя работы» па паляпшэнні сувязі ў дзвюх абласцях
«Белтэлекам» плануе выйсці на рынак сотавай сувязі ў 2026 годзе