У Пухавіцкім раёне 17-гадовы хлопец залез на высакавольтны слуп і атрымаў 40 працэнтаў апёкаў цела
Здарэнне адбылося вечарам 8 жніўня.
Каля 23:45 17-гадовы хлопец разам з трыма непаўналетнімі сябрамі знаходзіўся каля чыгункі паміж станцыяй «Рудзенск» і прыпынкам «Раўнаполле», піша СК.
Жадаючы ўразіць аднагодкаў, падлетак залез на высакавольтны слуп лініі электраперадачы. Падчас спуску ён страціў раўнавагу і дакрануўся да металічнага дроту пад напругай. Атрымаўшы ўдар токам, ён упаў уніз. Сябры неадкладна выклікалі ратавальнікаў.
Малады чалавек знаходзіцца ў бальніцы. У яго дыягнаставаныя апёкі 40% цела. Яго жыццю нічога не пагражае.