Трамп: Пуціну не трэба сустракацца з Зяленскім перад сустрэчай са мной
Сустрэча прэзідэнтаў ЗША і Расіі можа адбыцца на наступным тыдні.
Дональд Трамп, Joe Raedle / Getty Images
На брыфінгу ў Белым доме ў прэзідэнта ЗША Дональда Трампа спыталі, ці сапраўды ён паставіў умову, пры якой яго сустрэча з расійскім прэзідэнтам Уладзімірам Пуціным адбудзецца толькі ў выпадку, калі перад гэтым расійскі прэзідэнт сустрэнецца з Уладзімірам Зяленскім, піша Бі-бі-сі.
«Не, не», — адказаў прэзідэнт ЗША.
Трампу таксама задалі пытанне, ці застаецца ў сіле выстаўлены ім тэрмін ультыматуму Расіі для спынення агню ва Украіне (ён заканчваецца сёння ў пятніцу).
Амерыканскі лідар не адказаў напрамую на гэтае пытанне, але сказаў, што ўсё будзе залежаць ад Пуціна.
«Гэта будзе залежаць ад яго. Паглядзім, што ён скажа. Вельмі расчараваны», — дадаў Трамп.