Колькасць машын на польскай мяжы пераваліла за 2500
Па стане на 06:00 раніцы чацвярга на пераходзе «Брэст» стаялі 2560 легкавых машын і 32 аўтобусы.
Фота: Tochka.by
У чэрвені на пераходзе было больш за 2000 легкавых машын, толькі ў ліпені чарга стала змяншацца і нават падала да 120. Але апошнія два тыдні назіраецца істотны рост. 2 жніўня стала больш за 2000 легкавікоў.
Учора ў гэты час было 2320 легкавых машын, у аўторак — 2255 машын.
На літоўскай мяжы ў «Каменным Логу» сёння стаяць 80 легкавых машын і 15 аўтобусаў, у «Беняконях» — 40 легкавых машын, чаргі з аўтобусаў няма.
На латвійскай мяжы чэргаў няма.