Цягнік Баранавічы — Мінск спазняецца на 2,5 гадзіны
2 жніўня каля 19:06 цягнік рэгіянальных ліній эканомкласа №6826, які выехаў з Баранавічаў у 17:53, быў вымушаны спыніцца на перагоне Стоўбцы — Коласава з-за тэхнічнай няспраўнасці кантактнай сеткі, паведамляе прэс-служба Беларускай чыгункі.
Паводле ацэнак, затрымка складзе каля 2,5 гадзіны. Спецыялісты Беларускай чыгункі ўжо працуюць над ліквідацыяй няспраўнасці, а таксама арганізуюць дастаўку пасажыраў да пунктаў прызначэння.
Таксама паведамляецца, што магчымыя затрымкі і іншых цягнікоў. Для атрымання актуальнай інфармацыі пасажырам рэкамендуюць тэлефанаваць на нумар 105.
Чытайце таксама:
У Мінску затрымалі чарговага зачэпера
Беларуская чыгунка некалькі цягнікоў адменіць, а ў іншых памяняе маршруты