У Мінску прайшоў «Жаночы забег»
Мінчанкі пераадолелі пяць кіламетраў у рамках другога дня Мінскага трыятлону.
Фота тут і далей Мінск-навіны
З самай раніцы на праспекце Пераможцаў стартавалі спрынтары, а праз паўтары гадзіны свята спорту ўпрыгожылі дзяўчаты, пішуць Мінск-навіны.
Першая ўдзельніца перасекла фінішную рысу праз 18 хвілін. Пераможцай забегу стала Лізавета Лёўкіна.
«Эмоцыі цудоўныя. Я рэгулярна трэніруюся, бегаю і катаюся на ровары. Бегчы было не надта цяжка», — расказала яна.
На фінішы дзяўчат чакалі медалі, кветкі і халодная вада. А пасля таго як дабегла апошняя ўдзельніца, адбылося ўзнагароджанне.