«Аэрафлот» зноў лётае паміж Мінскам і Масквой
Паводле даных анлайн-табло Нацыянальнага аэрапорта Мінск, расійская авіякампанія «Аэрафлот» аднавіла палёты паміж Мінскам і Масквой.
Здымак ілюстрацыйны. Фота: Maksim Konstantinov/SOPA Images/LightRocket via Getty Images
29 ліпеня рэйс з Шарамеццева прыбыў у Мінск у 16:20, а ў 17:20 самалёт вылецеў у зваротным кірунку. Наступны рэйс у Маскву затрымалі на гадзіну (павінен вылецець у 22:10), але ён не адменены. Да гэтага рэйсы скасоўваліся праз тэхнічныя праблемы.
У Міністэрстве транспарту Расіі паведамілі, што палёты «Аэрафлота» і авіякампаніі «Расія» цяпер выконваюцца па карэктаваным графіку. Найбольш змены закранулі рэйсы з Масквы і ў Маскву, а рэгіянальныя палёты выконваюцца ў поўным аб'ёме.
28 ліпеня «Аэрафлот» сутыкнуўся з маштабным збоем у інфармацыйных сістэмах, у выніку чаго былі скасаваныя больш за 40 рэйсаў, у тым ліку ў Мінск і з Мінска. Адказнасць за атаку ўзяла на сябе хакерская група Silent Crow, якая заявіла, што ў выніку сумеснай аперацыі з «Кіберпартызанамі» была знішчаная ўнутраная IT-інфраструктура «Аэрафлота».
Чытайце таксама:
Атака беларускіх кіберпартызанаў нанесла «Аэрафлоту» шкоду на 10—50 мільёнаў даляраў