У Беларускі ліцэй ў польскай Гайнаўцы прынялі рэкордную колькасць вучняў
Больш за сотню вучняў пачнуць 1 верасня вучобу ў першым класе Другога агульнаадукацыйнага ліцэя з дадатковым выкладаннем беларускай мовы ў Гайнаўцы Падляшшы, піша Беларуская рэдакцыя Польскага радыё.
Беларускі ліцэй у Гайнаўцы. Фота: Польскае радыё
Адукацыйная ўстанова запрашае таксама тых выпускнікоў пачатковых школ, якія яшчэ не паступілі ў іншыя сярэднія школы. Пасля першага этапу набору ўжо вядома, што прыняты 102 асобы.
«Гэта перавысіла нашы мары», — адзначае выконваючы абавязкі дырэктара беларускага ліцэя ў Гайнаўцы Дарыюш Мусюк.
Беларускі ліцэй у Гайнаўцы ўзнік у 1949 годзе. На Падляшшы ёсць таксама Беларускі ліцэй імя Браніслава Тарашкевіча ў Бельску-Падляшскім, ён заснаваны ў 1944 годзе.