ФК «Славія» расказаў пра стан заўзятара, які ўчора зваліўся з трыбуны
Ад шпіталізацыі заўзятар адмовіўся.
Прэс-служба «Славіі» распавяла пра стан заўзятара, які ўпаў з трыбуны падчас матчу 1/8 фіналу Кубка Беларусі з «Гомелем» (1:0), піша football.by.
— Дзякуючы пільнасці навакольных і аператыўнаму рэагаванню супрацоўнікаў хуткай дапамогі была аказана своечасовая дапамога.
Віталя даставілі ў бальніцу, дзе ён прыйшоў у сябе і, пасля паляпшэння самаадчування, адмовіўшыся ад шпіталізацыі, адправіўся дадому. Яго стан здавальняючы.