У Грэцыі па запыце Малдовы затрымалі алігарха Плахатнюка
Плахатнюк завочна арыштаваны як у Малдове, так і ў Расіі.
«Нядаўна афіцыйныя каналы сувязі Інтэрпала ў Афінах (Грэцыя) паведамілі нам пра затрыманне двух грамадзян Малдовы. Адзін з іх — Уладзімір Плахатнюк», — паведамляе паліцыя Малдовы ў сваім тэлеграм-канале.
Паводле звестак выданняў PlusMedia і NewsMaker, другі затрыманы — гэта былы малдаўскі дэпутат Канстанцін Цуцу, блізкі да Плахатнюка, піша Бі-бі-сі.
У Малдове Плахатнюка абвінавачваюць у стварэнні і кіраванні злачыннай арганізацыяй, махлярстве і адмыванні грошай. Інтэрпол выдаў ордэр на арышт Плахотнюка ў лютым 2025 года.
Бізнесмен Уладзімір Плахатнюк узначальваў Дэмакратычную партыю Малдовы з 2016 па 2019 год. У 2019 годзе ён пакінуў краіну. У Расіі яго таксама абвінавачваюць у арганізацыі злачыннай супольнасці, кантрабандзе, незаконным збыце наркотыкаў і замаху на забойства.
Плахатнюк завочна арыштаваны як у Малдове, так і ў Расіі.