Падчас велагонкі ў Італіі ўпаў і загінуў 19-гадовы спартсмен
У Італіі падчас велагонкі «Джыро Дэла Вале-д’Аоста» загінуў 19-гадовы спартсмен Самуэле Прывітэра. Трагедыя здарылася падчас першага этапу спаборніцтва.
Самуэле Прывітэра. Фота: Hagens Berman Axeon / axeoncycling.com
Як паведамляе Міжнародны алімпійскі камітэт, пасля падзення велагоншчык атрымаў цяжкія траўмы. Медыкі аказалі яму дапамогу на месцы і даставілі ў бальніцу, дзе спартсмен памёр.
Паводле папярэдняй інфармацыі, падчас спуску Прывітэра страціў раўнавагу, упаў, згубіў шлем і моцна ўдарыўся галавой. Усе абставіны здарэння цяпер высвятляюць праваахоўныя органы.
Гэтая гонка прызначаная для ўдзельнікаў ва ўзросце да 23 гадоў. У сувязі з гібеллю спартсмена другі этап спаборніцтва быў адменены.
Чытайце таксама:
Да чэмпіянату свету па фехтаванні дапусцілі нават «нейтральных» расійскіх афіцэраў
Сабаленка стане другой у гісторыі тэнісісткай, якая набрала больш за 12 000 рэйтынгавых балаў
Пад Мінскам некіраваны карт пратараніў гоншчыка на хуткасці 90 км/г