Мужчына з рэўнасці падпаліў сваю сужыцельку і знаёмага
У Скабіне Капыльскага раёна 54-гадовы мужчына абліў бензінам і падпаліў сваю сужыцельку і знаёмага. Жанчына ад апёкаў памерла.
Паводле СК, трое чалавек разам распівалі алкаголь. У нейкі момант мужчына выйшаў з пакоя, а калі зайшоў, пабачыў, як жанчына на канапе абдымаецца з іншым.
Ён узяў бензін, абліў абодвух і падпаліў. Жанчына памерла ў лякарні ад апёкаў. Другі пацярпелы атрымаў лёгкія траўмы.
Абвінавачанне прад’яўлена па факце замаху на забойства двух асоб з асаблівай жорсткасцю. Мужчына знаходзіцца пад вартай.