Мінчук перадаў махлярам 400 тысяч даляраў
У чэрвені ад дзеянняў тэлефонных аферыстаў пацярпеў 73-гадовы жыхар Мінска.
Прадстаўшыся «супрацоўнікамі» Белтэлекама і Следчага камітэта, махляры выманілі ў яго 400 000 даляраў ЗША.
Міліцыі ўдалося аператыўна затрымаць 68-гадовую жанчыну-кур’ера. Следчаму пенсіянерка расказала, што выконвала ўказанні махляроў, бо сама стала іх ахвярай, піша СК.
Дзякуючы дзеянням следчых і супрацоўнікаў міліцыі ўдалося канфіскаваць выкрадзеныя грошы.