Энергетыкі вядуць аварыйныя работы ў больш чым 170 населеных пунктах
10 ліпеня ў большай частцы краіны захоўваецца складаная сітуацыя — моцныя ліўні і шквалісты вецер да 24 м/с сталі прычынай новых аварый на лініях электраперадач, паведамляе Мінэнерга.
Паводле інфармацыі на 21:00, аварыйныя работы вядуцца ў 170 населеных пунктах. Найбольш пацярпелі Гродзенская, Магілёўская і Мінская вобласці.
Для ліквідацыі наступстваў мабілізаваныя ўсе даступныя рэсурсы. Энергетыкі Беларусі ў кругласутачным рэжыме аднаўляюць электразабеспячэнне ў рэгіёнах, што пацярпелі ад няспрыяльнага надвор'я.
На месцах працуюць больш за 60 аварыйных брыгад з тэхнікай. Для часовага забеспячэння людзей электраэнергіяй выкарыстоўваюцца 6 дызель-генератараў.
Чытайце таксама:
У Мінску і ваколіцах град з паўяйка і вялікі патоп ВІДЭА
З-за непагадзі Мінск перажывае вялікія транспартныя складанасці
Следчы камітэт апублікаваў падрабязнасці гібелі жанчыны ў Магілёве, на якую ўпала дрэва